ما اريد تعليق على الموضوع بس اريد جواب بشعر

وعدتيني
وعدتيني إذا هملن دموع العين بسنين الشماتة انتي توافيني
وعدتيني إذا جفني جفاه النوم برموشج يحلوة انتي تنوميني
وعدتيني اذا صبري خلص بالآه من عندج صبر لسنيني تنطيني
وعدتيني اذا برد الشتا جفلّني من فركاج وج بكصيبة شعرج الدافي تغطيني
وكتيلي يا ولفي اظل وياك حد الموت لا واشي اليفّرّك بينك وبيني
ولو عني غبت فد يوم تزغر دنيتي بعيني
ولو مرة يا ولفي ما تمر بالدار اصبر مسودنة وللدار انة اتعناّك ويم دارك انشر سواديني
ونسيتيني
.......
.......
.......
نسيتي الجان الج طيف وغنة وموال وج دكولي اشصار شنهو البينج وبيني
وج انة صوجي وحيل وياي وفيت وياج الف وسفة طلعتي ما تفهميني
وطلع عشكج دغش جذّاب صبخة وبور كاعج يل زرعتيني
وج انة حطيت الله وياج
ابعدي اهناك
روحي اهناك
شريتج بالدمع يا وكحة العينين
وج عجب بالرخص بعتيني
وج نسيتي اشلون جنّة اثنين من جانت اديج ابّين جفينّي
وج نسيتي ايامنة الحلوات .....يشهد مكتب الطلاب وكل يوم الصبح .... كل يوم الظهر لمن تمرّيني
نسيتي اشلون جنة بلا سبب نتخاصم ونرتاح من ازعل ابّوسة انتي تراضّيني
وج نسيت يشلون جنة انشخبط ونكتب على الحيطان
اسم من اسمج واسمي
حرف من حرفج وحرفي
وبطاري هوانة انتي تذكريني
خايبة صرتي انتي صلاتي
وقبلتي
وديني ....
وج بطركات المخدة امّلوذ التصوير كل ساعة اشمة وهوّة يحييني
وج صدكيني انة ما ناسي عشرتنة وفلا انساج
بلاكت والنبي وعيناج حيرني سؤال الناس مدري بيا جواب احجي دفهميني ....
مدري بيا جواب احجي دفهميني .

مشكورين شباب الرقابه

تدلل حبيبي برنس








وعاشت ايدج يا سكر يا صاحبة كلمات من سكر وذوق احلى من السكر